張振朗黃心穎新劇夫妻嗌亂倫
黃心穎與張振朗昨日為無綫新劇試造型，之前合作飾演兄妹的他們，今次變成「哎吔夫妻」，張振朗大呼感覺像「亂倫」，黃心穎則有信心能抽離之前的角色，認為兩人能擦出火花。
無綫新劇《牛下女高音》（暫名）演員黃心穎、張振朗、鍾景輝、吳岱融、蔣志光、羅冠蘭、龔慈恩、車婉婉、楊玉梅及寶珮如等昨日在將軍澳電視城為劇集試造型。第二度擔正「女一」的黃心穎，指新劇是懸疑片，講述尋找女高音的故事，又指劇中要化淡妝，不修邊幅，有點似現實的自己。
再見亦是朋友
心穎又坦言與鍾景輝、羅冠蘭及吳岱融等前輩合作有壓力，談到與張振朗早前合作《堅離地愛堅離地》飾演兄妺，今次則演「哎吔夫妻」，心穎笑謂能夠抽離前劇角色，認為雙方能擦出火花。張振朗則說：「因為上套劇我哋係做兄妹，今次做佢『哎吔老公』，感覺有啲亂倫，心態要調節，有啲要扮親熱嘅戲份，都驚拍嗰陣忍唔到笑。」
寶珮如準備捱夜
張振朗早前在網上宣布與女友陳芷尤分手，他說：「事業為重，唔諗咁多，大家間中都有聯絡，開心大家關係雖然唔同咗，但都希望對方好。（心情平復未？）平復咗好多，好彩之前去咗橫店拍劇散一散心。（點解分開？）因了解而分開，大家仲後生，都係畀心機做嘢先。（分手可惜？）當然有，但係日後嘅嘢好難講，做朋友可能更加舒服。」對於新戀情或復合，張振朗表示隨緣。
首次拍無綫劇集兼二十年沒拍劇的寶珮如，指認識同劇不少演員，令她有安全感，並已做好捱夜準備。而羅冠蘭與龔慈恩亦多年後回歸無綫拍劇，龔慈恩說：「返娘家當然開心，我係喺呢度出嚟。」
文：影視組