貝安琪玩浪漫被袁文傑電暈
名模貝安琪（Ankie）早前夥拍近年人氣急升的藝人袁文傑拍廣告，首次合作Ankie就已冧爆大讚對方「正」，更明言望「續前緣」：「佢係一個好Nice、好謙虛、好Gentle嘅人，同佢合作真係好開心，真係覺得可以再合作，因為佢個人非常之好！」
身材Fit爆
廣告共花了兩日拍攝，當中不乏泳衣鏡頭，去年生了可愛囝囝的貝安琪已完全收身，Fit爆登場。廣告中Ankie施展渾身解數，既玩空中瑜伽又以水着上陣，尾段更被袁文傑求婚，充滿浪漫驚喜。
着大褸保暖
Ankie大讚今次拍攝的畫面效果好靚，但背後卻十分艱辛，皆因要在冬天以泳裝上陣！她表面上在泳池旁享受陽光，但其實凍到成個人僵硬，每拍畢一個鏡頭都要着回大褸取暖，Ankie說：「拍攝當日溫度大概得8℃，中途仲落毛毛雨，真係好凍，凍到入心入肺，吹到我全身起晒雞皮。不過辛苦得來開心嘅，個個工作人員都好盡力咁做好佢，本來覺得自己着咁少衫好慘，但見到攝影師喺泳池入面，影咗好多個鐘，喺水入面好凍，佢都不停喺度震時，我就覺得自己唔係咁慘，個個都出咗好多力，結果都好開心。」
文：專案組