張敬軒食胡作唱到漏口兼想嘔
歌手張敬軒的唱功向來毋庸置疑，獲不少粉絲支持，早前他宣布將於6月在紅館舉行演唱會，掀起一陣撲飛潮。日前他接受東網巨星節目訪問，直認唱自己名曲《酷愛》「唱到想嘔」，更大談花名如「皇上」、「降兩度」等的由來！
入行以來，軒仔唱過不少為人熟悉的歌曲，其中《酷愛》更是不少粉絲至愛，絕對是演唱會必唱名曲之一，他說：「呢隻歌唱得最多，唱到想嘔，冇漏口都唱到有漏口，但係呢首歌好有Power，所以呢隻歌無論喺我任何一個騷，都係一首『食胡』嘅作品。」
口頭禪「激死朕」
除了唱功，軒仔的花名亦同樣備受關注，他亦大方細訴「皇上」、「降兩度」等花名的由來。當中提到「皇上」之名時，軒仔笑言可能自己難頂：「真係唔知個名點嚟，可能我難頂？我估一係最早嘅時候，我成日同身邊同事講：『真係激死朕』、『笑死朕』，所以啲人叫叫吓就叫咗呢個名，之後就成行都咁叫，但其實呢個名我真係受唔起。」
升幾度變咗徐小鳳
至於「降兩度」這個花名，軒仔坦言完全預料不到：「我冇諗過將女歌手嘅歌降兩度或者四度就係我把聲，亦冇諗過我把聲升幾度就變咗徐小鳳把聲，所以覺得幾好笑。」而軒仔更即席大展「降兩度」歌喉，唱吳雨霏的歌曲《我本人》，場面搞笑！
文：專案組
https://bit.ly/2GoQaRy