葉巧琳似貓沉思被誤解

歌手葉巧琳（Mischa）到電台宣傳關於貓的新歌《毛球》，透露插畫師Paul Lung為她家中愛貓繪畫明信片：「兩隻貓嘅相我都有Send畀佢，不過佢揀咗多病痛嘅Lara，可能因為個樣特別啲，另一隻Bandit成日都好似好嬲咁！」物似主人形，Mischa也覺得歌中的貓與她很相似：「啲人以為貓發脾氣或者唔開心，其實可能冇嘢。啲人唔了解我嘅時候都會誤會我，覺得我好寸或者好嬲，其實我可能只係諗緊一陣食乜。」她笑言一個月只有一次特別忟，會看笑話或與貓玩令心情好轉：「我一返到屋企，Bandit會喵一聲然後黐住我對腳，我所有攰都可以放低晒！」