林奕匡下廚得一味老婆嫌棄

拿起湯勺有板有眼的歌手林奕匡（Phil），憶述在加拿大讀書的時候，有七、八年時光要在家族經營的小餐館幫手，送外賣、收錢、接電話、洗碗等都要一腳踢，年紀輕輕的他試過被鬧到喊：「試過有無理嘅客，見到碟餸出咗來，但我未得閒送過去，佢哋就好忟憎，真係七情上面咁用人身攻擊嘅說話去鬧。」

愛與家人相處

那段日子令Phil獲益良多，不過最重要卻是得到與家人相處的時間：「嗰陣屋企人一日到黑都喺餐廳，如果我唔去餐廳幫手，就冇得同佢哋相處。好多時候一家人做完嘢，夜晚一齊食飯好開心，嗰啲回憶係人生入面最滿意最開心嘅時候。」自認廚藝麻麻的Phil，成家之後並不是常常下廚冧老婆：「結婚之後都想進修吓廚藝，因為我成日煮啲簡單西餐，太太話冇變化，煮來煮去都係嗰啲，食到悶，惟有多啲請佢出街食。」

為了滿足老婆口味，林奕匡有時也要做無飯夫婦。	事業漸有成績，林奕匡希望給老婆一個安樂窩。	林奕匡當年在餐館幫手，曾經被客人鬧到喊。

買樓愈大愈好

入行八年的Phil，事業漸上軌道，今年他再接再厲，除了即將在六月初夥同ToNick、糖妹、葉巧琳和小塵埃在九展開騷外，亦籌備在今年內再出個人大碟。努力工作的他坦言，想儲錢買樓給太太一個真正屬於他們的家：「的確有打算儲錢買樓，想有自己嘅地方，畢竟租樓雖然靈活，但係唔會落咁多心機。（想買幾大嘅樓？）目標係無限嘅，愈大愈好喇，要dream big吖嘛！」

文：音樂組

攝：劉斌

場地：上環搵啖食車仔麵專門店