徐天佑被外父催生B：我哋生出嚟一定靚！

徐天佑早前現身瑞士天梭表全球首間期間限定咖啡店，他自言有收藏手錶的習慣，亦曾想過送名錶給太太：「佢就會問我啲Taste得唔得，都係送鑽石最好最直接。」講到有否為人生設下不同的時間點？他說：「啱啱出道嘅時候就希望可以十年時間去到紅館開演唱會，但有一啲目標就唔可以Set死自己，冇話30歲就結婚、幾歲就生BB，因為有太多變數。」

以前唔鍾意小朋友

不過天佑坦言開始被外父催生B：「阿媽冇催我，佢好自由，但係外父都有啲聲音畀我聽到，例如食飯又會提吓，問你哋有冇計劃呀？啱啱結婚嘅時候會隨口噏吓，因為我同老婆嗰陣時冇認真傾過，到呢兩年又真係開始傾，差唔多個人開始定啲，希望呢一、兩年落實，但我老婆又好忙，我又覺得佢身體潺潺哋，大家要夾吓時間多啲見面先得！」他又直言從前不喜歡小朋友：「自己係細仔，好怕見到其他小朋友，我畀人寵壞咗，但係呢幾年見到啲朋友嘅仔女好得意，覺得原來小朋友唔係咁難相處，同埋我哋生出嚟一定靚嘅，自己嗰個點睇都靚，哈哈！」

天佑是家中的細仔，自覺畀人寵壞咗！

天佑與老婆認真Plan造人大計！

拍戲為攞獎冇意思

工作方面，天佑希望歌影雙棲發展：「我以前諗拍戲就要係攞獎，但根本咁樣係冇意思，之後就去享受，得到嘅滿足感仲大，依家想拍一啲倫理生活嘅古仔。」至於會否拒拍情慾戲？他笑說：「拍電影揀角色方面，我就覺得老婆暗地裏想控制，但我明白自己職業唔係一般人，我本身個專業都係呢一方面，我唔想日常生活影響到工作，不過佢有時會問吓有冇親熱戲o架？我就會講個故事畀佢聽，由佢自己去調節，大家有商有量。」

文：專案組

化妝：Nikei Mak

服裝：Scotch&Soda

髮型：Louis Tse@Number 8

手錶：Tissot Everytime Swissmatic

場地：TISSOT Swissmatic Pop-up Cafe by BREAD,ESPRESSO &