馮盈盈愛波牛最緊要粗
陳家樂與馮盈盈昨日出席東港城活動，身為「MK女神」的她不諱言喜歡男士大髀夠粗又有力，笑指若疲累時，可被男友抱起。至於被指準備結婚的家樂否認與女友余香凝家人傾禮金，尷尬稱暫時未打算結婚。
藝人陳家樂與馮盈盈等昨日出席「東港城 Ⅹ Captain Tsubasa」球技格鬥場活動，聯同新鴻基地產代理租務部總經理鍾秀蓮主持揭幕儀式。二人即席示範花式足球，一向冇踢波的盈盈穿短褲上陣，控球時不慎露出黑色打底褲。家樂則玩得有板有眼，引來粉絲不停尖叫。
「愈唔諗就愈濕」
盈盈繼續發揮豪放本色，直言喜歡踢足球的男士，因為踢足球可以令大髀夠粗夠力：「咁樣我攰嗰陣，或者涼鞋斷咗帶都可以孭起我抱起我。男友都玩曲棍球，試過打到塊面啲血管凸咗出嚟。（阻止佢玩？）唔會，做運動都係好事。」提到早前她在節目中透露與初戀男友拍拖時，以「地下都濕埋」來形容手濕，被網友指她豪放，她對此笑言：「我有好明確咁講係隻手濕o架，我一緊張就會濕，拖男仔手都會，愈唔諗就愈濕。」
與未來外母似朋友
家樂笑指以前有踢足球，但屬於「屎波架生多」，負責扮隊長在場邊指揮球員。提到早前被拍得與女友余香凝的家人飲茶時傾禮金，他尷尬否認，笑指只是一般聚會。至於「外母」對他印象如何？他口窒窒表示：「唔係……同Auntie似朋友。（催你哋結婚？）我會努力，暫時未有計劃。」
文：影視組