陳榮峻獲贈結婚紀念郵票
62歲「綠葉王」陳榮峻與58歲吳香倫將於今年7月10日拉埋天窗，筵開30席，早前更成功申請於教堂舉行婚禮，接受一眾親友祝福，儀式從簡。二人的加拿大好友在當地郵局，專誠訂製兩款結婚紀念郵票送給他們。兩款婚票分別印有一對新人的大頭相和半身婚照，洋溢溫馨和幸福感覺。
陳榮峻昨日接受訪問時開心表示：「真係好有紀念價值。（有冇諗過用？）有朋友提議結婚當日喺當地寄出，咁就有我哋結婚日期嘅水印，更有價值。不過我再諗吓，因為我哋婚事從簡，加上我同香倫都拍緊劇，好忙，未得閒諗住，所以暫時我想將佢收藏先。」
