周秀娜力推「Now E」有佢唔使爭電視

藝人周秀娜、顏卓靈、游學修、組合艾粒及組合C AllStar成員On仔和釗峰，昨日出席電訊盈科媒體全新一站式娛樂OTT平台「Now E」發布會。「Now E」提供荷里活猛片、美國劇集、亞洲電影、劇集、綜藝節目，亦有世界級體育賽事直播，包括即將揭幕的世界盃，用戶可在手機隨時隨地觀看，亦可投放在大螢幕欣賞。而「Now E」代表Easy（簡易）、Entertainment（娛樂）及Everywhere（隨地），配合年輕人無束縛自主的生活態度。

按日訂購夠晒Free

周秀娜大讚拍戲等埋位時可以用「Now E」來煲劇和睇戲：「依家個個都揸住手機，我屋企好多人，有爹哋媽咪、細佬同佢老婆，我有時返屋企，一部電視分唔到，依家大家就可以揸住手機當電視咁睇鍾意嘅嘢。」問到可喜歡煲劇？她笑言喜歡睇戲多些，因自己沒耐性，但如果劇集很有質素或有話題性的話都會睇。講到她將於本月22日生日，她笑言要謝絕所有飯局：「我要拍戲，可能要五月底先可以食飯，因為想Keep番好個狀態，驚食肥咗唔連戲，我一開心就食好多，好冇節制。」

顏卓靈大讚用「Now E」睇戲十分方便，有助她研究角色。	圖三	On仔和釗峰呼籲大家支持正版，用官方App睇世界盃。

顏卓靈很欣賞「Now E」集齊很多不同類型的東西，亦佩服它提供按日訂購服務：「如果啲人試咗一日OK，慢慢都會用耐啲。」她表示平時都會與男友白只去睇戲，但因時間難夾，故她現時會嘗試獨自睇戲：「我之前唔敢，但因為我哋返工時間唔定時，有時Office Hour戲院好少人，我可以坐正戲院中間，側邊又冇人，同埋我笑點同淚點都好低，所以大聲笑同喊都唔驚。」

Donald和少爺占都大讚「Now E」的劇集緊貼潮流！

游學修透露平日都經常用手機煲劇睇戲。

睇波超順唔會忟

游學修亦指一定會下載「Now E」，因有時電影上映時錯過了便可翻看，亦可欣賞外國劇集，大讚十分方便。艾粒就讚用「Now E」煲劇可以不用被人騷擾，亦讚入面的劇很新。C AllStar的On仔表示可以用「Now E」睇足球比賽直播，笑言：「平時睇波最驚窒機，試過準備射門嗰下就窒，但呢個App就好順，擔保唔會發脾氣。」釗峰認為睇波最開心是和成班朋友一起，而「Now E」正可連上電視機讓大家齊齊睇。

圖三

釗峰（左起）、On仔、 謝德謙、 周秀娜、 少爺占、香港移動通訊有限公司市場營銷總裁暨The Club 行政總裁林國誠、電訊盈科媒體董事總經理李凱怡、電訊盈科媒體收費電視業務總裁蔡煒健、香港電訊個人客戶業務董事總經理吳永豪、香港電訊個人客戶業務市務主管吳詠欣、Donald、顏卓靈、游學修及傅家俊一同出席發布會。

文：音樂組

攝：張福宏