歌手關楚耀昨日到電台宣傳新歌《求生》，他說：「首歌係講喺呢個圈子點樣求生，人生上點樣堅持，我唱嘅部分係好想硬淨、令自己企番起身，而MastaMic嘅Rap詞就係鬧醒我。」他又透露5月尾將在麥花臣開騷，講到籌備情況，他表示首次與音樂總監Edward Chan合作，笑言發現原來自己唱歌很差：「好多位佢聽完會擰頭，話可以再好啲。（聽完有冇唔開心？）咁又冇，佢都有慢慢解釋。」他透露會操肌，但笑言未必騷肌：「到時睇吓啲反應、女歌迷啲尖叫聲再決定啦。」
