陳法拉學有所成等闖荷里活
剛在美國完成戲劇碩士課程的藝人陳法拉，昨晚出席酒吧開幕活動，表示現在正洽談多個內地、香港及美國劇本：「讀書呢四年演過唔少角色，就連80歲老婆婆都演過，咩戲癮都夠晒！（無綫有冇搵你？）未同我傾。（去荷里活發展？）見到呢兩年美國市場變得好快，多咗亞洲面孔、爭議性嘅女性角色，我覺得有希望。」她表示現時在美國居住，男友司馬諾和愛貓亦在當地：「睇吓遲啲喺邊度工作，如果返嚟做嘢會搬返香港。（男友呢？）佢喺美國做嘢，佢好支持我嘅工作。如果有時間都想見多啲男友，佢都會飛嚟搵我。」
湛琪清飲醉變天后
同場還有名模Cara G.及甄子丹太太汪詩詩的表妹湛琪清（Jessica），Jessica自言酒量OK，特別喜歡飲雞尾酒，還透露早前與男友一同上調酒課程：「我哋會互相比賽，睇吓邊個整得好飲啲，男朋友都有讚我整得好飲。」至於可有飲醉失儀經歷？Jessica表示有次試過飲醉「天后」上身：「平時唔會飲得好勁，有次試過飲醉唱歌，朋友叫我唔好唱，因為唱到走晒音！（有冇見過甄子丹飲醉？）冇見過，平時一家人食飯都會飲酒，係一件好自然嘅事。」
文：專案組