松岡嫌肥仔懶恨孖男友做運動
日模松岡李那來港發展多年，廣東話依然是有限公司，但最近因為拍戲關係，她自爆粗口大躍進。談到擇偶條件，松岡直認不愛肥仔，因她覺得肥人都是懶人一族，不肯做運動。
松岡李那應東網巨星節目「海馬牌床褥特約」《閨蜜睡房》邀請擔任嘉賓，一連三集與主持人李惠儀（Kiwi）大談愛情世界。松岡努力以廣東話跟Kiwi傾偈，透露最近因為拍戲關係要講粗口，所以廣東話粗口進步了。在新片中，她有多場僅穿內衣的性感鏡頭，笑說：「好鍾意，因為好Free！」又坦言間中在家也會不着衫睡覺，對住男朋友有時也會穿得性感。
憧憬日式婚禮
講到擇偶條件，松岡坦言喜歡靚仔，不愛肥仔，她說：「以前我鍾意肥仔，但我鍾意做運動後，覺得好肥嘅人都係唔鍾意做運動，我好鍾意兩個人可以一齊做運動、做瑜伽或者行山。」將來結婚，她亦一定要返日本舉行傳統婚禮，笑言即使另一半不懂日文，她都可以代為翻譯。
松岡又透露父母早已分開，她爆料說：「因為媽媽覺得爸爸唔係一個好人，所以佢覺得唔需要結婚，而爸爸就同佢女朋友講過想見到我結婚生BB。」想知道松岡這位日本姑娘更多睡房秘密，記得本星期五、六、日收睇《閨蜜睡房》喇！
文：音樂組