張智霖人生交叉點放棄紅館檔期
張智霖（Chilam）將於新片與影帝古天樂及吳鎮宇大鬥演技，為專心應付電影工作，他竟放棄已到手的紅館檔期！講到紅館演唱會或不再批檔期給他，Chilam即求饒：「唔好唔畀我呀！」
影星張智霖、古天樂、吳鎮宇與周秀娜（Chrissie）等，昨日到柴灣出席新片《死亡通知單暗黑者：首部曲「雙雄會」》啟動儀式。一直有意再開演唱會的Chilam，早前已取得年底的紅館檔期，但為了專心拍戲，竟毅然放棄，他說：「搞演唱會呢個計劃要暫時擱置，如果年底開騷，我呢一刻已經要係準備緊，不過今年真係行唔開。（畀期你都唔要，唔怕下次唔畀？）唔好呀！唔好唔畀我，我要多謝紅館先，可能係下年或後年，當我有期就會再入紙。」
周秀娜同「屍體」開飯
而於新片中，Chilam再次與鎮宇拍檔，他笑言有推薦對方上網拍賣古董錶：「覺得古董錶都保值，男人梗係會儲吓嘢。」而Chrissie透露與Chilam有感情戲，飾演警察鑑證科專案小組的她，更有收藏屍體相片的怪癖，問會否怕見到屍體？Chrissie笑說：「都唔會，好多時都係道具，或者啲演員拍完都會彈起身一齊食飯啦！」
古天樂化妝4粒鐘考脾氣
另外，早前榮升影帝的古天樂透露，在新片分飾四角，更會犧牲靚仔樣：「有爛面、跛嘅同埋唔講嘢、要靠肢體語言，四個都唔同特質，都係復仇心重嘅人，化妝要4小時，當係鍛煉吓脾氣。」
文：影視組