曾於內地劇《媽祖》與劉濤合作過的藝人呂晶晶，大讚對方人品好又有義氣，晶晶說：「劇入面我做佢個妹，都有好多對手戲，佢好好人，教咗我好多嘢，個人好有義氣，成日請大家食嘢，好有大家姐風範。佢做戲好到位，而且少NG。雖然只係同佢合作過一次，但私下大家都有微信聯絡，試過我拍另外一套劇，講起我做嗰個角色，佢都畀好多意見我，當時佢都唔係最紅，但已知佢成就會愈來愈好。」
晶晶表示知道劉濤是一個很有經歷的人，對破產的老公仍不離不棄，晶晶說：「佢依家咁好，真係好佩服佢，就算忙拍戲，但教導兩個小朋友都教得好好，當時佢老公都有帶兩個小朋友嚟探班，佢哋好有禮貌，好乖，好得人歡心。」