揭家駒窮Band仔生活30蚊都要借

今年是Beyond靈魂人物黃家駒逝世25周年及樂隊成立35周年，前經理人陳健添（Leslie）昨日為樂隊舉行為期一個月的「Beyond傳奇35周年展覽」，展出大量結他、唱片、海報及舊相片，並「重現」當年的二樓後座Band房等，而部分首次曝光的展品中，以家駒的《昔日舞曲》手稿最珍貴，還有家駒、黃家強、黃貫中在Beyond年代用過的結他及葉世榮的手稿，令四子終可「共聚一堂」。

為慳裝修費自己髹油

當中展出的一本手寫數簿，更揭露Beyond四子當年經濟拮据的生活，每月要向經理人墊支度日，銀碼由30元至4,000元不等。據知當年四子雖不揮霍，但收入不穩定，不時求助經理人「周轉」，但全屬「有借有還上等人」，世榮則因邊夾Band邊任保險從業員，在樂隊中算「有錢仔」，而四人為慳近千元裝修費，親自為Band房的紫色牆做批盪及髹油。

Beyond國際歌迷會會員證、歌曲《真的愛你》奪電視最高播放的紀念狀都有得睇。	Beyond的數簿詳列借還日期及樂隊日常開支。	黃貫中細說爛結他背後故事，是他與黃家駒互撼「成果」。

Leslie曾因合約問題跟家強反目24年，但今次展覽卻得家強破例支持。昨日身在澳洲的Leslie接受長途電話訪問時說：「我係第一時間e-mail通知家強，仲講佢知透過朋友借咗佢支Bass嚟展覽，基本上佢係冇反對。（破冰？）關係冇惡化。」他續指今次是最後一次辦Beyond紀念展，之後會將大部分展品拍賣給歌迷，問到可擔心又被家強斥「斂財」？他說：「我喺展覽、推出嘅紀念特刊同拍賣所得嘅收益，會捐畀兩個慈善機構。」

黃貫中同家駒鬥硬

而黃貫中被問到借出爛結他展覽，他說：「支結他非常珍貴，當年同家駒做騷，佢問我到底邊個支結他硬啲，之後我哋喺台上嚟一個眼色就撼埋一齊，當然兩支結他一齊粉碎，呢啲就係青春嘅片段。」對於傳有人高價求售？他即指爛結他絕不會賣。

文：音樂組