翠如孟加拉探女唔准早婚！

黃翠如昨日出席慈善活動時透露目前助養了6歲女兒芭依及11歲兒子拜諾，之前亦曾助養一個女兒，現已成年自立。談及她有一仔一女湊夠「好」字，翠如指是機構安排，並非她刻意要求，又稱第一次探望對方的感覺很得意：「一直有書信來往，未見面時幻想佢哋係高大啲，去到見到個女似三歲，個仔亦都好矮，嗰邊經濟唔好，一日食得一餐飯。」

「童婚」13歲就嫁

翠如笑言首次到孟加拉探女兒，猶如相睇一樣，兩人相處後，也趁機向「女兒」訓話：「我叫佢唔准拍拖同咁早結婚，因為當地比較窮，同埋好多童婚問題，女仔13歲就要嫁人，我叫佢畀心機讀好書。」問到男友蕭正楠（Edwin）可有助養兒童？她表示已替對方填表，等他回來簽名：「佢知當地問題，有份買布袋仔同水壺，希望有一日會同佢一齊去。」

講起孟加拉之旅，翠如忍不住落淚。

蕭正楠和曹永廉到橫店拍飲食節目。

體驗憂心滋味

講到被讚有潛質做媽媽，她笑言跟助養小朋友相處，確有做媽媽的感覺：「會好難過同擔憂，發現做媽媽好偉大，不過係種福氣。（你做好心理準備？）兩回事嚟，未到呢個階段，太早啦跳咗步驟！（要結婚先？）我諗我係，佢（男友）比我更傳統，應該唔係呢個年代嘅人。（計劃？）要問佢，唔再講呢個話題，好悶，將來有機會就有機會！」

此外，Edwin日前到橫店會合好友曹永廉拍攝飲食節目《兄弟大茶飯》，兩人到街市買餸，繼續鬥嘴放笑彈。

文：影視組