梁佩瑚冤氣夫婦鴛鴦浴慶布婚
1989年港姐季軍梁佩瑚（阿Bel）兩年前閃嫁拍拖半年的蒙古商人郭雲飛，昨日兩人再到結婚之地三亞慶祝兩周年「布婚」紀念。兩夫妻初嘗鴛鴦浴，阿Bel聽到老公大叫：「梁屁符，我愛你！」逗得她笑到喊，直言沒有嫁錯這個好男人。
今次「布婚」之旅，阿Bel獲老公送贈三點式泳裝做禮物，笑言特別由半年前開始刻意減肥，務求以最佳身形來演繹這份禮物，她說：「老公話我到50歲就唔會再畀我着三點式泳衣，可能到時冇眼睇啩！我今年47歲，佢話每年送一件三點式畀我，等我着飽佢！其實佢揀嗰啲三點式鬼咁密實，佢話我買嗰啲太暴露喎！」
火爆兩年有驚無險
夫妻倆今次特別入住當日結婚的酒店，獲贈浪漫鴛鴦浴Spa！她自爆兩人首次鴛鴦浴，不停拍照留念，問到是否感覺好浪漫？她竟說：「我哋只係覺得好好笑，老公話成47歲人先嚟玩鴛鴦浴！」提到結婚兩周年，阿Bel以「有驚無險」來形容：「我哋都係性格火爆嘅人，自然有好多火爆事發生，但明白兩個人相處要磨合，所以就有驚無險囉！老公知我把口壞，但心地好、對家人好，只是性格太直。」她又指現時感情比婚前更好，老公揚言愈來愈愛她，認真冤氣！
文：影視組