翟威廉追女好少食檸檬
藝人翟威廉有份在近期熱播的劇集《逆緣》中演出，他稱今次的角色講他借高職位來追女仔，但慘食檸檬，最後撮合林夏薇與陳家樂。問到現實中有否被女仔拒絕？他笑言向來謹慎：「我唔會隨便出擊，我好少請人食，亦好少畀人請食。如果有人約我都會應約，不過最近工作太忙。」
除了拍劇外，他最近忙於網上直播節目：「我會喺自己嘅社交平台做直播，會請啲藝人上嚟一齊夾Band、玩吓遊戲同傾吓偈，其實都做咗一年，係好難搞，依家嘅點擊率都OK，幾個平台夾埋，每次都有過萬點擊率，但好視乎嘉賓，好似湯洛雯、劉佩玥、何雁詩就好受歡迎，嚟緊會增加多啲商業元素，希望搵到多啲贊助，令節目更加多樣化。」