情侶檔舞台劇焦媛聽晒高志森話
舞台劇演員焦媛下月演出作家王安憶同名小說改編的舞台劇《長恨歌》，今次孖住男友兼導演高志森情侶檔合作，除了在香港上演三場外，還到內地多個城市巡演。她坦言期待是次演出，與高志森合作歌舞劇及喜劇較多，但內心戲話劇則是第一次。問到會否在工作上給予男友意見？她說：「唔會，始終我係好乖嘅演員，尊重番導演，演員嘅崗位喺台上，我相信導演。」
而高志森希望在是次舞台劇增添電影感：「舞台講好多動作同場景設計，演員戲與戲之間交流，想像空間對觀眾好重要。」又表示要將舞台劇打造到如電影般緊湊，場景帶電影化，甚至有蒙太奇效果：「呢種手法唔慣常出現於舞台劇，尤其內地舞台劇，但正正係我作為電影導演追求嘅嘢。」他指上次由王安憶改編張愛玲的小說《金鎖記》舞台劇，在內地反應熱烈，年中將在南京、蘇州、廣州、深圳、廈門等巡演兩個月。
