半工讀考大學李詩穎樂做「翻版Baby」
18歲的中、德混血女模李詩穎（Maxi），激似師姐Angelababy又似昆凌，現居北京的她希望考入心儀大學：「想讀演藝有關嘅事，我15歲入行，依家一邊拍攝一邊讀書，啱啱先拍完一個真人騷，係有關文化與旅遊嘅節目。（有冇難忘事？）最難忘到蘇州拍攝，喺一隻小船上邊拍攝邊食蟹，覺得好有風味、好新奇。」
Maxi自小已接觸演藝圈，父親是中國演員李崇霄，問父親有否教路？她說：「我哋會一齊討論，佢會分享拍攝經驗同教我點睇人。（最想同邊位男星合作？）特別想跟周潤發合作，我好鍾意佢嘅作品。」至於會否性感演繹？她自嘲沒有本錢行性感，反而想做打女。問有否介意被指似Baby，她說：「唔會，見過佢幾次，佢係一個可愛嘅姐姐，好親切！」
化妝：Janice Tao@Zing the makeup school
髮型：Carr Cheng@POP Eight