向來「好肉地」的藝人陳彥行，追求者眾，這位「黃金盛女」雖然未遇上Mr.Right，但仍很用心去保養「外殼」。花了一個月時間減15磅的她，成績有目共睹，告別手臂ByeBye肉和肚腩肉，於新造型照更見輕盈體態美。相隔13年再拍纖體廣告，今次陳彥行較之前惜肉如金，她笑說：「事隔13年，纖體公司老闆冇要求我性感，我可以用開心健康形象出現，減少咗要露肉嘅壓力。始終已屆熟女階段，展現女性體態美已足夠，請容許我將自己嘅好嘢，留番畀我嘅Mr.Right啦！」
最近正忙電台工作和登台，陳彥行頻撲穿梭中、港兩地，提到今次纖體過程，她自爆未做代言人前，只靠節食減肥，餓到眼矇矇，更笑言曾發生跟愛犬爭食之搞笑事件，她說：「有次我餓得滯，聞到狗糧好香，食咗幾粒頂肚！但接受咗纖體療程後，唔使捱餓都Keep到，輕鬆唔少。」