劉敬雯鬧男友：仲女人過我！

歌手劉敬雯（Lydia）有份參演的跳舞電影續集將於8月開鏡，她透露已跟導演黃修平傾過角色幾次：「我今次演熟女，係個資深跳舞老師，性格比較沉實穩重。」說到角色與現實的她一樣教跳舞，她笑說男友經常見到自己嚴肅霸氣的一面：「佢話覺得好恐怖！（佢畀你鬧過？）我試過話佢做嘢唔夠果斷，諗太多嘢，我已經諗嘢諗得多，佢仲女人過我！佢話自己好似小朋友咁畀我鬧，好羞恥！」
睇唔出劉敬雯咁霸氣，會當男友係小朋友咁鬧。
睇唔出劉敬雯咁霸氣，會當男友係小朋友咁鬧。

至於最近與唱片公司續約，Lydia表示會跟梁栢堅及陳詠謙等創作人合作：「佢哋除咗幫我度身填詞之外，都畀咗好多意見我。大家覺得我應該大膽少少，將現實生活嘅我擺出嚟畀觀眾睇。」

劉敬雯在新戲做跳舞老師，是其本色演出。
  • 劉敬雯在新戲做跳舞老師，是其本色演出。