黎明做老竇樂基兒恭喜阿嫂

名模樂基兒（Gaile）性感現身活動，提到前夫黎明榮升爸爸，她表示與老公已各自傳短訊恭喜黎明及其女友（Wing），亦戥他們高興，但暫不會打搞對方，稍後才會送禮。黎明在社交網扯火鬧爆料者是漢奸，Gaile表示不知此事：「一嚟唔識睇中文，唔知喺邊度睇呢啲報道，但我覺得有BB係開心事，有一個小生命誕生，好Miracle嘅事，唔應該畀啲新聞加予負評，或者唔好評論。」但問到會否向黎明請教生B，她即大笑，指黎明是男人，只會向身邊朋友請教。同場還有分別佗B的Jessica C.及Ana R.、吳千語等。