黃智雯獻舞力撐追夢

無綫花旦黃智雯最近憑劇集《三個女人一個「因」》人氣急升，向來愛心爆棚的她，早前為慈善機構「愛傳遞」以跳舞形式拍MV，與一班特殊兒童共舞，希望令更多人買飛支持下月公演的舞蹈劇，她說：「我真係好想出番一分力，所以點忙都抽時間參與。記得拍攝當日有小朋友同我講《三》劇嘅內容，話好鍾意『菠蘿椰奶』嘅角色，講咗好多連我都冇留意嘅情節，好犀利。」
舞藝耍家的黃智雯早前為慈善機構獻技拍MV。
舞藝耍家的黃智雯早前為慈善機構獻技拍MV。

她表示求學時已接觸過特殊兒童，會定時到有關學校當義工，但一齊跳舞就屬首次：「最難忘有個二十歲大嘅朋友仔，主動派卡片畀我話做緊舞蹈助教，夢想係成為全職跳舞老師，令我好感動，真係好似個舞蹈劇名咁，《愛.舞––給孩子一個夢》，夢想絕對係人人都可以擁有。」雖然她近來忙於開工，但若時間許可，一定會親身到場支持這班小朋友。

黃智雯與特殊兒童共舞，宣傳下月公演的舞蹈劇。
  • 黃智雯與特殊兒童共舞，宣傳下月公演的舞蹈劇。