黃長興開餐廳當「逃生門」

無綫藝人黃長興現時工作忙碌,既拍劇、拍電影又接廣告,但原來他剛於香港加入演藝圈時,由於廣東話未合格,故有一段時間工作機會愈來愈少,遇到不少挫折。正因如此,長興多年前於天后開了第一間餐廳,視飲食業為一道「逃生門」,他回憶道:「2010年我去咗開餐廳,因為自己係處女座性格,係完美主義者,呢樣嘢喺工作上幫我好多,喺法國時一路做一路升職,不過返香港後可能演技未係咁好,講對白時啲廣東話唔係好正,所以工作好少,都有啲阻滯。」

男人四十玩操肌

現時長興除於娛樂事業奮鬥外,更開了兩間餐廳,一切尚算安穩,他更透露會有「男人四十」的新突破!現時頻頻操肌的他並非為拍劇而備戰,而是決心操出爆肌Body:「其實早年喺法國已經有操開,不過好多次去到一定程度就停咗,加上自己做飲食又為食,搞到睇落去好大舊!今次請埋教練指導,希望喺60日內減到8%體脂,有線條、靚嗰啲。」他直言最難是要戒酒:「我最鍾意就係飲紅酒!(影靚相留念?)會去東南亞地方影,叫埋太太都得,佢不嬲弗過我!」

場地:咖啡事多 服裝:Agnès b.

文:影視組

攝:鄭家俊