漫威超英晒冷作《復仇者聯盟3：無限之戰》（Avengers : Infinity War）上映在即，《阿凡達》（Avatar）名導演占士金馬倫（James Cameron）接受訪問時毫不留情狠批超英片：「我好希望觀眾可以快啲厭倦《復仇者聯盟》呢類電影！唔係代表我唔鍾意呢類電影，每部電影都有好多故事可以講，而唔係一群冇屋企人、男性激素過盛嘅人四圍破壞兩粒鐘。」
雖然占士大力批評，不過漫威電影公司主席Kevin Feige回應時發揮「阿Q精神」，似乎只着眼對方一句「唔係代表我唔鍾意呢類電影」：「佢鍾意呢啲超英電影！好正呀！嘩，占士金馬倫鍾意我哋嘅電影，好興奮呀！」