趙學而僭建山丘驚跣走
歌手趙學而昨日為周六舉行的紅館演唱會綵排，她稱已試了造型：「係一個大難關，因大家知我冇乜嘢可以露，都係腰同膊頭，其中一個造型就論盡啲，只遮上半身重要部位，怕大動作一郁件衫跣落嚟，你知我呢啲『胸如平地，大吉大利』嘛，又冇山丘仔托住。（整個人工山丘？）咁都係外置嘢，都會跣走，所以需要多啲時間研究點樣鞏固佢。」
提到學而上次個唱不愛戴耳機演唱，她說：「今次會戴，因為舞台有機關，都要聽吓控制台指示安全啲，加上得一場，錯咗冇仇報。」問老公可替她緊張？她說：「佢真係緊張過我，好多嘢講，叫我唔好飲凍嘢，不停『吟吟沉沉』搞到我要叫佢靜一靜，佢都聽話配合。」
至於湯水部就交給好友陳伶俐負責，大讚這個朋友令她感到人間溫暖。