鄧建明操肌擊退脂肪肝
太極成員鄧建明（Joey）與雷有輝（Patrick）在紅館舞台上，鬥歌之餘亦「拗手瓜」，54歲的Joey憑麒麟臂險勝年輕兩歲的Patrick！Joey自爆操肌全因有脂肪肝，為保命仔免老媽擔心，才「半百先嚟健身」！
殿堂級樂隊太極，前晚起在紅館進行一連兩場《歐洲坊呈獻太極交響狂熱演唱會》，6名成員聯同60人管弦樂團大玩Crossover，呈現另類搖滾交響樂，重新演繹多首耳熟能詳的經典歌，與樂迷狂歡整整3小時！除了低音結他手盛旦華外，各成員都有單獨表演環節。太極在台上愈夜愈High，送走管弦樂團後繼續熱唱，成員雷有輝（Patrick）和鄧建明（Joey）更High到除剩黑色背心大騷粗壯手臂，樂迷全晚情緒高漲，歡呼聲不絕！
怕媽媽擔心
演唱會來到尾聲，場內氣氛被連串勁歌炒到頂點，Joey此時卻突然自爆：「我想喺度借少少時間多謝啲朋友，兩年前我發覺自己患上一個病，就係脂肪肝，未發作嘅，所以媽媽唔好擔心住。我唔知係咪好多人都有呢個病，知道咗之後，我嘅朋友就開始不辭勞苦咁帶我去健身室做運動，好多人以為我係為咗開騷去操弗，其實我係為咗健康！大家覺得我依家得唔得呀？」觀眾紛紛大叫：「好得呀！」
逼仔上台獻技
Encore環節，Joey的兒子Justin帶來一分鐘的花式打鼓表演，期間Joey走到他身邊監督，令Justin一度表現尷尬。太極之後與Justin合作一曲，唱完後，Justin只講了句：「多謝！」便匆匆落台。Joey其後感性地稱讚兒子：「以前啲人成日話快高長大，依家我反而想時間過得慢啲。其實佢尋日都仲未組織好段表演，係因為我哋逼佢，佢先至完成。我要同佢講聲『Sorry , Justin.You did great！（對不起，你做得好好！）』」
文：音樂組