張建聲陳嘉莉否認有第三者
藝人張建聲前日透過社交網站宣布與拍拖兩年的女友陳嘉莉（Kelly）分手！昨日有指分手原因是張建聲拍《作家的謊言》時跟拍檔松岡李那撻着以及新人方詠琳介入。對此，張建聲與陳嘉莉齊於ig發聲，否認有第三者介入，並指分開是一個痛苦的決定，將來會各自為事業繼續努力。
張建聲接受電話訪問時亦再重申，兩人分開不涉及任何第三者，絕對冇做對唔住這段感情的事，並直言是因工作忽略女方，加上大家價值觀不同，才導致分手。對於有傳方詠琳是第三者，更指他跟對方曾一起去峇里旅行及看周杰倫演唱會，張建聲解釋：「去旅行係幾個人一齊去，當時我已經同Kelly分咗手，我同佢（方詠琳）仲住唔同嘅別墅；而去睇演唱會，係因為當日朋友畀咗兩張演唱會飛，臨時臨急搵唔到朋友，咁啱佢有時間就一齊去，絕對唔係之前約好。」
松岡嚇一跳
而松岡李那對於第三者傳聞亦嚇了一跳，她說：「我同佢（張建聲）私底下完全冇聯絡、冇私底下見過面，佢亦冇約過我去街，唔明白點解會有咁嘅傳聞。」至於方詠琳則語帶輕鬆否認戀情：「我同阿聲之前都識嘅，因為佢阿哥阿嫂都打籃球。阿聲可以話由細睇到我大，大家見過好多次，但首次合作，因為我公司同佢公司合拍《作家的謊言》，我有份客串。至於阿聲嘅私事我冇權干涉，不過佢唔開心會搵成班朋友出嚟食吓飯、傾吓偈，咁我都會出嚟嘅。」