張珮汶出嫁花球遮肚
前亞姐張珮汶（Grace，前名張家瑩）與從事珠寶行業的圈外男友何駿杰結婚，昨晚在尖沙咀一間酒店設喜宴，曾志偉及任達華等到賀。一對新人起初未有準備受訪，至酒店人員通傳才肯出來拍照。一身低胸露背婚紗的Grace身形明顯圓潤，不時以花球遮肚，當被問到是否有孕時，她卻否認，只表示正計劃造人，她與老公亦不肯應記者要求咀嘴，此時志偉插入合照，原來新郎是志偉世姪。
擔任伴娘的顏子菲笑言第3次做伴娘：「爆額啦，不過都好開心嘅，最後一次做（伴娘）係同最好嘅朋友做，今朝都有玩吓接新娘嘅遊戲，但太趕時間，都係擺吓甫士、講吓愛的宣言咁。（新娘有咗？）唔知，但都多謝大家祝福，佢哋好喜歡小朋友，希望快啲有好消息。（Grace全程有冇好錫身？）冇喎，好活潑同靈活自如。」
前亞視高層葉家寶到賀時表示未見過新郎：「但知佢對Grace好好，祝佢哋百年好合、連生貴子啦。（送乜嘢畀新人？）現金啦。」
