鄧麗欣封民選影后再下一城有隱憂
「第三十七屆香港電影金像獎」各大獎項今晚揭盅。身為影后大熱之一的鄧麗欣（Stephy），日前再獲電影網站投票選為「民選影后」，不過她坦言：「始終投票嘅係唔同人，我唔諗太多嘞，用最輕鬆嘅心情去參與（金像獎）就得。」她預告今晚戰衣性感，實行搶Fo唔輸陣！當談到杜汶澤叫她多謝舊愛方力申，Stephy笑說：「我有睇佢訪問，覺得佢詛咒我（失戀）囉，我唔只失意會投入角色，得意時都會演戲嘅。阿澤叫我多謝佢（方力申），我諗應該係阿澤自己多謝囉。」
據悉，Stephy與毛舜筠於影后獎項中一直「領跑」，但有指周秀娜亦深受年輕票民歡迎，分分鐘可後來居上，反之影帝方面古天樂似乎已「坐定粒六」，他更發起今晚「聯合慶功宴」，讓記者可同一地點採訪所有得獎者，免得東奔西跑「趕幾場」，有九間電影公司響應。對於被一致看好，古天樂謙稱：「平常心，多謝大家支持！」
此外，導演林超賢接受電台訪問，預測金像獎賽果，他貼古天樂「稱帝」，又大讚周秀娜演技有所提升，是心水影后之選；至於「最佳導演」則屬意許鞍華。