蔡卓妍夠胸襟唔使避開前夫
蔡卓妍（阿Sa）今晚擔任金像獎頒獎禮司儀，提到前夫鄭中基入圍爭影帝，她直言不會避開介紹對方，並指大家是同行，沒有甚麼需要避忌，果然胸襟十足！
第37屆香港電影金像獎頒獎禮今晚舉行，藝人蔡卓妍（阿Sa）、張繼聰和爾冬陞（小寶）等昨日出席拜神儀式。處女下海擔任司儀的阿Sa，被問到會否避開介紹有份爭影帝的前夫鄭中基？她大方地說：「點解？大家係同行，金像獎係影壇盛事，諗唔到有原因要介意。」
夾份送婚紗
談到好姊妹鍾欣潼（阿嬌）將於下月25日在洛杉磯完婚，阿Sa透露婚禮沒有伴娘，但就會聯同容祖兒和鄭希怡組成姊妹團。問到諗定如何玩新郎？她說：「冇喎！（阿嬌婚紗靚嗎？）佢未呀！好亂，之前訂機票用咗香港時間Book。」更指已準備好姊妹裙，亦將與祖兒夾份送婚紗給阿嬌，希望好友扮到最靚出嫁，不過男友石恆聰因撞正生日將不會同行。
擬提前舉行
至於主席小寶指每年頒獎禮大多撞正落雨，有意把頒獎禮提前兩星期舉行，希望明年能夠實行。對於今年ViuTV購得播映權，以致無綫將不派員採訪，小寶說：「好奇怪，覺得冇必要，有機會想協調吓，睇吓有咩渠道可以播番，今屆就趕唔切喇！」
文：影視組