大肚楊張新悅諗定餵母乳
名媛楊張新悅昨日出席以哺乳及催乳為主題的活動，已有六個月身孕的她透露剛從雲南返港，旅行期間未有太大妊娠反應，故之後會跟家人到台灣遊玩。講到哺乳話題，她表示今胎打算餵哺母乳：「能夠餵到BB就盡量餵，但都會有壓力，而且愈有壓力（母乳）就愈出唔到嚟。（叫老公學催乳按摩？）叫佢對我好啲，唔好畀咁大壓力我就得啦！」
她又自爆為了坐月期間可以休息，屆時會「趕走」老公及三個囡囡：「生上一胎時兩個女見到BB好興奮，每隔5秒就入嚟我間房，同埋佢哋喺出面玩好嘈，搞到我冇得好好休息，所以我叫老公到時帶囡囡去旅行，我留喺屋企專心休息同湊BB。」