陳漢娜Down到喊爭獎打定輸數
被封為「文青女神」的24歲新人陳漢娜（Hanna），憑電影《殺破狼．貪狼》提名今屆香港電影金像獎「最佳新演員」，戲中她飾演古天樂的反叛女兒，離家出走掀起連串風波，最後慘遭殺害。
首次拍戲的Hanna直言拍攝初期每日也驚做錯事，壓力甚大，最難忘第一日開工扮死屍，非常困難：「開頭以為死好簡單，點知鏡頭好長，完全唔可以郁，要閉氣得嚟其實又要Keep住呼吸，好驚影響到古仔演出。」
望「爸爸」古天樂再攞獎
作為新人，為令自己更投入角色，Hanna開拍前以角色「李穎芝」寫日記，但因被角色的坎坷經歷影響，由開拍到上映幾個月都未能抽離角色，一直心情低落不時爆喊：「當時一個人去泰國拍嘢，踏入機場已經覺得自己係個角色，我飛機上寫日記寫到崩潰狂喊，覺得自己好醜，唔敢畀空姐見到，之後睇咗套戲七次，每次都喊到死，個故事好慘！」
講到得獎勝算，Hanna謙稱沒有信心，並睇好凌文龍及梁雍婷。對於「爸爸」古仔接連贏得多個影帝獎項，Hanna直言想對方再下一城，如果能「兩父女」一起得獎就更完美！
化妝：Chichi Li
髮型：will yu＠the attic
場地：Goobne Chicken（Barry＠relaxdearhk）
文：影視組
攝：吳文聰