楊思琦「胸」襲甲板晒腹肌
藝人楊思琦趁着復活節假期，與囡囡穎穎及親友上星夢郵輪世界夢號歡度假期，欣賞魔術及歌舞表演，小朋友又可享受船上設施玩水上滑梯、攀石，期間更落船遊覽沖繩兩天。思琦透露在房間的露台吹海風、聽海浪聲，紓緩平日工作的壓力，她更穿上多套服裝影相，猶如影寫真般，39歲的思琦身材依然Fit爆，大騷纖腰美腿及晒「腹肌」！在甲板留倩影時，又大晒事業線、手執鮮花放在眼前影相，少女味十足！
Set機自拍
思琦坦言首次上郵輪，反而囡囡跟其母去過一次，當時她要工作無緣同行。問到靚相由誰操刀時，她說大部分相都是自己影：「同行有啲女仔朋友同Family，有啲係女仔朋友幫我影。（點解可以Keep得咁Fit仲有腹肌？）成日頻頻撲撲都消耗好多，唔會太肥，平時我都係做啲伸展運動同踢吓腿，不過我好容易有肌肉，依家有幾舊『腹肌BB』都好開心。」
文：影視組