騷肌黃宗澤叫苗僑偉脫博5億！
邵氏網劇《飛虎之潛行極戰》前晚首播成績理想，播放量達1億，首集中晒肌的黃宗澤笑言成績再好就要苗僑偉脫：「三哥脫，播放量有5億添呀！」吳卓羲在劇中跳天橋相當搏命，有信心收視愈來愈好。
吳卓羲、黃宗澤（Bosco）、苗僑偉、梁烈唯等主演的邵氏網劇《飛虎之潛行極戰》，前晚於優酷及myTV SUPER獨家上線首播。首集除了有連番打鬥、爆破場面外，Bosco更半裸騷肌，開播一小時播放量已達1億，一班演員對此成績都相當滿意！
吳卓羲跳天橋一Shot過
至於吳卓羲一場從天橋跳落地面，及由電車上層跳落地面的動作場面，均親身上陣「一Shot過」，認真搏命。卓羲受訪時表示，對首播成績感滿意，有信心收視會愈來愈好：「尋晚喺日本拍緊嘢嘅三哥（苗僑偉）都好緊張，問播成點，我覺得成套劇好有電影感，同一般拍攝手法唔同，導演有經驗之餘，演員都好搏命。」
首集除衫騷肌的Bosco被問到之後會否再脫時，他笑言：「再好啲成績梗係叫三哥、卓羲脫啦！三哥脫播放量有5億添呀！」
梁烈唯虐殺陳山聰
梁烈唯（唯唯）在劇中飾演讀過心理學的壞人，造型突出，他以殘忍手段對待臥底陳山聰，唯唯說：「好多謝美術總監同髮型師，大家配合得好好，對個角色好有幫助，呢類角色係我咁耐以嚟第一次做，亦係最Fit嘅一個角色，拍時狀態都係最Fit嘅！」至於飾演臥底的陳山聰，之後會死得慘烈，他說：「雖然咁早死，但網民好鍾意呢個角色，係值得嘅！」
文：影視組