黎瑞恩歌癮大打麻雀都唱

歌手黎瑞恩（小恩子）前晚在紅館舉行《黎瑞恩感恩有你演唱會》尾場，星級觀眾的分量十足，包括天后容祖兒、謝安琪、影后袁詠儀與老公張智霖，還有秦沛、蘇玉華、曾勵珍、雷頌德夫婦等。

小恩子在台上哭着表白真的很喜歡唱歌：「沖涼又唱，煮嘢又唱，打麻雀都唱，終於等到今日，16年之後再嚟紅館，好多謝紅館嘅朋友咁辛苦，又畀咗個咁好嘅期我，清明節，我唔係講笑，大家放假吖嘛！」她坦言會記得這晚，因為不知何時再可來唱歌。

單身畀好多人問候

嘉賓蔡一傑穿Deep V黑衫現身，與小恩子合唱《愛一次便夠》，傑仔表示每次對方開騷都會撐場：「佢好講義氣同好Sweet，每次同佢做嘢我都樂在其中。」又大爆小恩子頭髮太多，每次吹頭都要半小時。小恩子唱《問候》之後，再次表白心迹：「其實回復單身都幾開心，好多朋友喺社交平台問候我。」隨後她唱出歌曲《活得比你好》唱至哽咽，唱《雲上的日子》及跟小學同學合唱時，終再度淚浸紅館。

容祖兒與媽咪前來捧場。	謝安琪	張智霖夫婦

子女捧場睇得開心

騷後受訪時，小恩子透露完成頭場後，不斷回覆電話及訊息至凌晨4時，之後更失眠。而提到哭了多次，她哽咽感激一班小學同學：「佢哋（合唱團）有30幾年未唱過歌，好感動。雖然唔係成日見到面，但一齊番個感覺都喺番度。」她又指這兩場騷籌的善款足夠捐出20部各值約8萬4千元的洗腎機。小恩子又表示子女有到場，又爆兒子本來只想看頭場上半場便走：「佢話唔識我啲歌，又話會悶，點知睇晒！仲話睇得好開心，睇多次。」她希望兒子學好中文，能夠了解其歌曲。

黎瑞恩感激歌迷支持。

蔡一傑戴上粉紅花配飾與黎瑞恩拖手合唱。

文：音樂組

攝：司徒國榮