蕭潤邦兄弟多江若琳急搵救兵
藝人江若琳與「生煎包王子」蕭潤邦將於本年底結婚，問到準備婚禮有否爭拗時，兩人答案完全不同，在記者面前大耍花槍！江若琳更笑言要找救兵，以應付龐大的兄弟團。
江若琳（Elanne）與未婚夫蕭潤邦（Oscar）、朱晨麗及莊思敏等前晚出席仁濟醫院第51屆董事局就職聯歡晚宴，Elanne與Oscar全程Sweet爆，並大方透露婚禮準備情況，表示將於本年12月23日在黃埔某酒店擺酒，預計擺40圍。講到兄弟姊妹團，Elanne笑說：「男方嘅陣容好盛大，令我好有壓力，佢依家就咁數都已經十幾二十個兄弟，姊妹我暫時得十個，到時可能要叫啲男仔朋友過嚟做姊妹！」Oscar笑言Elanne要盡快識更多朋友迎戰。
講三個鐘道理
問到籌備婚禮可有拗撬？Oscar笑說：「又唔會有拗撬嘅，如果有啲方向唔啱，我就會選擇唔出聲。」Elanne卻唱反調：「唔係囉！佢會同我講三個鐘道理，令到我明白，就唔好搞咁多嘢。」問最後是否由Elanne決定？兩人答案截然不同，Oscar答「是」，Elanne即笑說：「唔係喎！」Oscar再解釋因未傾到細節，相信到最後會按照未來老婆的意願去處理。
朱晨麗自認咪霸
至於身穿低胸晚裝現身的朱晨麗相當吸睛，她透露為晚宴獻唱兩首歌曲：「近來多咗好多機會唱歌，其實入行前夢想係做歌手，我去卡拉OK唱歌係『咪霸』，最鍾意唱王力宏、周杰倫同陶喆嘅歌。」講到將與楊千嬅合作新劇《多功能老婆》，朱晨麗表示向來很喜歡對方，認為看千嬅的電影可放鬆心情，亦不擔心對方拍劇時會笑到NG，最重要是拍得開心。
文：影視組