謝安琪唔阻囡囡做歌手
歌星謝安琪（Kay）最近為印度電影《打死不離歌星夢》（Secret Superstar）獻唱港版主題曲《歌聲如初》，原來Kay是該電影男主角印度男星阿米爾汗（Aamir Khan）的影迷。電影講述印度少女夢想成為歌手但遭父親反對，幸得母親暗中支持圓夢。
Kay想起自己當年入行時，母親雖然擔心，但仍對她默默支持，她說：「我媽咪係傳統又怕醜嘅媽媽，當日發現個女28歲，有英文教師唔做走去做音樂，但係佢冇畀阻力我，佢覺得我都咁大個有自己追尋嘅意義，你咪去試吓囉。我好感激同好欣賞我媽媽。」
她知道媽媽口裏沒有反對，但內心卻擔心女兒誤墮騙局，Kay笑說：「後來知道其實佢好擔心我畀人呃，一個年紀都唔細竟然畀人邀請去做音樂，係咪騙局嚟o架。（如果囡囡將來想做歌手，你會唔會反對？）我諗我都係同我媽咪差唔多咁做法，自己小朋友仲細，未想像到佢有咩夢想要追尋。」
場地：frenzimusic
服裝：Maje