黃宗澤吳卓羲大個仔 重拾兄弟情
吳卓羲與黃宗澤是同一時期的靚仔演員，但原來二人少有合作，2003年拍過劇集至今，至少有14年沒有機會遇上對方，到各自離開無綫的今日，才在網劇演兄弟。吳卓羲笑言難得借網劇四個月的拍攝時間，終於與黃宗澤補回缺失多年的感情！
型男黃宗澤（Bosco）與吳卓羲（Ron）早年先後離巢無綫後，去年在邵氏網劇《飛虎之潛行極戰》再次聚頭，飾演同父異母兄弟檔，有大量對手戲。
講到促成今次合作，除了邵氏高層樂易玲外，兩子都笑指前輩苗僑偉有號召力，Ron笑說：「叫三哥（苗僑偉）收平啲！佢收太貴喇，幾乎係成套劇嘅預算。每次一爆，導演都擰晒頭話又超支喇！（期望再同香港觀眾見面？）都想套劇有機會喺TVB播，如果佢哋唔播，可能就填唔番三哥條數。」
內地開工冇晒朋友
講到Bosco在內地發展不錯，他笑說：「點都唔夠三哥嚟！我哋都係嚟配合佢咋！（內地拍攝好唔同？）生活上、拍攝同文化上都有唔同，大陸拍都有佢好處，因為個人長時間喺外地，拍起嚟專注啲，因為冇晒朋友，拍完就返房睇劇本喇。」
一齊食飯感情好
回頭數起二人真正有對手戲的作品，已是2003年的電視劇集《英雄．刀．少年》，Ron笑言二人在TVB時一直錯過對方：「我哋出道到依家缺失咗嘅感情，喺呢部戲拍攝嗰3、4個月拎番晒，所以我哋開工時感情特別好，一齊食飯，諗番當時大家剛剛開始拍電視劇時，同依家真係好唔同，理解能力、演出反應，都係長大咗。」不少網友經常「集氣」望能湊齊「奧運六星」再合作，Ron笑說：「我好似有份搞事，有次見到粉絲將我哋嘅相組合埋一齊，我睇住張相都有感而發，甫文話希望有一日一齊拍一部作品，其實一齊拍幾乎冇可能，或者各有各拍再組合埋一齊啦！」
黃宗澤
服裝：AMI Paris＠ITHK
鞋履：Giuseppe Zanotti
文：影視組
攝：秦健輝