買餸被瘋圍霆鋒護蛋：唔好掂啊！

藝人謝霆鋒與加拿大名廚David Rocco由澳門鬥廚藝鬥到順德，兩人早前抵達當地先行「掃街」，David見霆鋒吃鳳爪津津有味，雖初時有點抗拒，但最後一試即讚味道不錯。兩人又走入街市買餸，霆鋒一進入即被粉絲包圍，有人開路仍寸步難移，幾經辛苦才買到材料！當霆鋒捧着一盤蛋時，被「逼」笑住大叫：「唔好掂我啲蛋啊！」David見如此墟冚也大感驚訝！
霆鋒買餸大受歡迎，街坊爭住影相。
霆鋒買餸大受歡迎，街坊爭住影相。

其後，霆鋒與David各自炮製創意菜式，霆鋒自創一味「鯪魚瑞士卷」，以一分險勝對手，繼澳門首站後再下一城。兩人稍後到菲律賓馬尼拉再鬥一場。

霆鋒與David鬥到順德，霆鋒憑創意以一分險勝對手。
  • 霆鋒與David鬥到順德，霆鋒憑創意以一分險勝對手。