教感情保鮮 羅仲謙：有時變「大」

藝人羅仲謙與太太楊怡、苟芸慧、胡杏兒、陳展鵬及陳煒等昨日出席林子善婚宴，羅仲謙與楊怡被問會否傳夫妻相處之道給一對新人？羅仲謙稱：「唔使，我哋都學習緊，最重要保持新鮮感，相敬如賓。（點樣保持新鮮感﹖）好似我咁，有時變瘦，有時變大。」此言一出，即時引來全場大笑，問到哪兒變大？他笑言：「我講我嘅體格，你哋唔好心邪。」至於苟芸慧的身形比之前消瘦不少，她解釋因早前到泰國拍廣告太辛苦所致。