林二汶客串余迪偉舞台劇

DJ余迪偉昨日為將舉行的一人劇場進行綵排，排舞時被兩個男舞蹈員抬起，好友林二汶不但現身打氣，又做和音與他唱兩首歌。提到講對白之餘，亦要又跳又唱，余迪偉大呻：「啲人以為我背自己故事好易，但原來唔係，要有感情背，我之前排咁多場去到某啲位都一定會喊，導演話我要忍住眼淚，但要觀眾嘅眼淚。（係邊部分喊？）講我成長時畀人欺凌嘅故事。」二汶則謂已留期給對方，屆時可能會來客串。