方力申後年嚟料真愛水上飄
藝人方力申（小方）昨日現身電台，為堪輿學家李居明的節目擔任嘉賓。小方接受訪問時，表示起初想問師傅有關事業的運程，但節目甫開始，師傅就着重講感情事。師傅指小方會在2020年遇到真愛兼有機會閃婚，但現在還未是適當時機。當記者問到這兩年是否可以出全力去玩，小方直言要出力搵真命天女，不過就怕Fans誤會，他說：「師傅仲話我50幾歲會婚後暗有情人。師傅初頭讚我個人正氣，講吓講吓，驚啲Fans以為乜我個人咁，乜將來會暗玩。」
李居明預測姊弟戀
師傅其後還預測小方的真命天女會在水上飄上來，並解釋對方是好優秀的女性，更猜測姓氏跟水有關，亦有機會活躍在股票界或者旅遊業，小方笑言：「可能2020年會喺水上認識，可能喺郵輪或者搭渡海小輪遇到。師傅話對方可能大過我，我話係咪Pat Pat大過我，因為我年紀都唔細。」
每朝花灑沖涼轉運
至於工作方面，小方透露想搞與游泳有關的生意，例如當游泳教練，但師傅就叫小方最好兩年後才計劃，更提議小方改變生活習慣，每朝用花灑沖涼，而今年最需要注意的就是小心駕駛。
文、攝：音樂組