熊黛林超Cup幸福冧讚冇嫁錯郎

熊黛林懷孕後上圍三Cup跳，老公攬攬一臉幸福。

現已懷孕八個月的熊黛林（Lynn），特別與老公拍攝甜蜜孕照，她合共換上三個造型，包括白Tee牛仔褲、貼身針織連身裙及吊帶雪紡裙，其中吊帶長裙凸顯Lynn的豐滿上圍，目測最少兩Cup跳！雖然腹大便便，但她的手腳仍纖瘦，相反郭可頌操出健碩手臂，相信是為將來抱BB作好準備。Lynn坦言拍孕照是希望日後與寶寶分享懷孕過程，知道他倆是如何幸福地迎接BB到來，她冧爆說：「老公一直都好照顧我，有咗BB後，老公更事事以我為先，我覺得好開心，睇得出我真係冇嫁錯人。」

Lynn透露現階段未感緊張，非常期待BB的來臨，但又有點捨不得與BB身心相連的親密關係：「每次BB喺我肚入面郁，我都好興奮！」問到有否睇定書學湊B及教小朋友的技巧，她說：「睇咗少少關於育兒嘅書，平日反而多向有經驗嘅朋友請教。我哋都想順其自然，第時再一步步學習，唔想畀家人同BB太大壓力。」

熊黛林雖肚凸凸，但擺起甫士仍有名模風範！	熊黛林與老公以情侶裝拍大肚寫真，夠晒心思。	邢嘉倩（左）懷胎約六個月，照着泳衣。

邢嘉倩泳衣晒凸肚

另一位孕媽媽、林青霞繼女邢嘉倩現懷有第二胎約六個月，粗身大勢的她趁未生前相約幾位好姊妹包括名媛曾昭亮及李家彤到泰國布吉旅行。李家彤上載一條黑白短片，三人齊穿上比堅尼，兩女不停用手摸嘉倩的肚皮，似用手感受腹中BB的跳動，認真有愛。

文：名人組