姚子羚開腔護舊愛：佢對我好好
姚子羚與男友鄭子邦和平分手，三年情告終。昨日她起程到橫店拍劇，甩拖後心情尚算不俗，並首度開腔回應失戀。子羚否認「前度」因太傷心而到尼泊爾修行，指旅程早已安排，而她亦趁離港工作散心。
無綫藝員姚子羚與圈外男友鄭子邦拍拖以來愛得甜蜜，屢傳婚訊，沒料近日突然爆出三年情已逝。姚子羚、胡定欣、曹永廉及張振朗等，昨早在機場出發為劇集《包青天再起風雲》到橫店及新疆拍攝外景。失戀後首次公開露面的子羚戴上太陽眼鏡，心情不俗說：「心情OK嘅，要講嘅都講咗，係我哋兩個人嘅決定，我哋關係依然好好。（可惜？）有聚有散，世界係圓嘅，永遠唔知將來會點，總之呢一刻，我哋覺得呢個相處方式係最舒服。（分咗手幾耐？）詳細唔講，或者可以講係用另一個方式相處。」
早計劃出走學佛
有傳子羚情變是因她及「胡說八道會」姊妹逼婚所致，她斷言否認：「絕對唔係，要澄清唔係外間講結婚、逼婚問題。」被問到離港兩個月會否有復合轉機？子羚說：「冇諗，專心拍嘢，好開心一對情侶去到最尾，唔需要鬧交、唔開心收場。（鄭子邦傷心去咗尼泊爾修行？）唔係，佢係佛教徒，旅程計劃咗好耐，只係咁啱得咁橋。（拍嘢可以散心﹖）都係嘅，喺香港都OK，離開可以專心做嘢。」
胡定欣撐姊妹OK
子羚強調分手不涉及第三者，暫時未準備好接受追求者，還保護舊愛說：「阿邦對我好好，希望大家唔好以為我逼婚不遂，或者佢對我唔好，係絕對冇咁嘅事。」胡定欣被問到會否趁旅程安慰子羚時，她說：「佢OK o架喇，唔使擔心佢，畀啲時間佢哋處理，佢哋都經歷好多。」
文：影視組