肥媽爆𡁻完鬆6號：生咗就結婚
由藝人肥媽、陸浩明（6號）主持的無綫節目《食好D 食平D》昨天在電視城拜神，《食》至今已拍至第6輯，今次唔使平買平食，而是食好嘢，錄影廠的工作人員都有口福，師奶觀眾亦有更多好嘢煮。
肥媽說：「以前節目只畀50蚊我煮一餐，依家多十倍，有成500蚊，買花膠、松露、龍蝦、乳豬都用唔晒啲錢！」而旁邊的6號食了這麼多補品，卻未見肥胖，他笑說：「其實我日日跑步！」肥媽即揶揄他嘴刁和𡁻完鬆，還指他食補品太浪費。有女友的6號笑說：「我準備儲埋啲好嘢，一擊即中，生咗（BB）就結婚！）令肥媽哭笑不得。此外，肥媽透露第15個孫仔於去年雞年尾出世，兒孫滿堂，早排為工作、家庭和陪老公打高爾夫球，四出奔波，人都瘦了十多磅，不過現在又肥番。