Heidi巴黎遇血案：怕會打埋我

女子組合Super Girls成員李靜儀（Heidi）、藝人雨僑、廖子妤與楊偲泳，昨日出席化妝品活動。Heidi剛出席完巴黎時裝周返港，她自爆在當地遇到恐怖經歷：「有一次我坐嗰架車嘅司機突然落車同人打交，我估佢覺得對方阻街，叫佢行開，跟住就打起嚟，司機畀人打到爆晒缸，仲打到碌咗入架車嘅前座入面，打完之後司機仲喺車尾箱攞咗支士巴拿出嚟想追對方，之後個司機一邊流住血，一邊車我哋去目的地。我見到佢哋打交，我仲驚過畀人打劫，因為我好怕有傷亡，怕會打埋我，我仲要趕住去做嘢。」
楊偲泳（左起）、雨僑、Heidi及廖子妤打扮靚靚出席活動。
楊偲泳（左起）、雨僑、Heidi及廖子妤打扮靚靚出席活動。

雨僑爭住入餅卡

將於本月底下嫁羅力威的雨僑透露很開心，只是身體很累：「攰到試過戴住眼鏡同拎住電話瞓到第二朝，我覺得入利是同餅卡係最治愈嘅工作，但有一日發現未婚夫將所有餅卡入晒，我好唔開心，佢為咗氹我想將啲餅卡拆番出嚟。」

剛從巴黎回港的Heidi，說起在當地遇上的血案猶有餘悸。
  • 剛從巴黎回港的Heidi，說起在當地遇上的血案猶有餘悸。
雨僑月底出嫁，忙得很開心。
  • 雨僑月底出嫁，忙得很開心。