龐景峰甜蜜煮飯仔險漏石油氣

龐景峰（Andrew）與女友Peggy拍拖數月，將共度第一個元宵佳節，日前他們齊齊炮製浪漫的元宵大餐，但期間笑料百出，他們不懂關石油氣爐，Andrew竟用口吹熄了事，差點漏石油氣，幸好最後順利完成大作，兩人吃得津津有味！

分唔到鹹蛋雞蛋

Andrew自認廚藝麻麻，他搞爛gag說：「謝霆鋒好叻煮嘢食，但龐景峰一啲都唔叻。」Peggy爆男友不止廚藝不濟，連材料都買錯：「我叫佢買草菇，佢買咗冬菇，叫佢買節瓜煲湯畀六個人飲，佢買咗一條節瓜。佢又分唔到鹹蛋同雞蛋，以後都唔叫佢買。我傳短訊畀佢叫佢買乜，佢完全冇理會，自由發揮。」反而Andrew大讚女友煮得一手好菜，還惠及其家人：「佢煮過好多嘢畀我食，試過幾次煮西式大餐畀我屋企人，我媽話佢咁細粒嘅女仔，做乜要咁辛苦煮咁多嘢食。」

龐景峰與Peggy企到咁遠，睇嚟好怕畀油彈。

二人派大心心放閃。

以行動表達浪漫

Andrew透露每逢農曆新年都會到泰國拜四面佛及探望契婆嘉玲，今年兩人會順道在當地過元宵，他說：「情侶如果想感情深刻啲，我建議大家去多啲旅行。（你浪唔浪漫？）我鍾意搞Gag，係幾娘地Sweet。」Peggy大讚男友以行動表達浪漫：「佢平時啲浪漫唔係講，係生活細微位留意到，佢知我好鍾意Lego，會突然買盒送畀我。如果係開心，每日都係情人節。」當要求Andrew向女友說最甜蜜的情話時，他開玩笑說：「當有一日我行紅地氈時，我想全港嘅人睇到佢反白眼。」之後才正經表示希望行紅地氈時女友在身旁。

文：名人組

場地：龍皇酒家

服裝：Brooks Brothers

化妝：Rachel Luo@Pony Effect