自認情場浪子 林作暗示有新歡

前大律師林作昨日到新城受訪時透露，現時忙於3月底的舞台劇排練，坦言視今次演出是成名之作：「不成功便成仁！如果唔得就要解甲歸田，返去做正職。（做番大律師？）係成家立業。（你有女友咩？）我有段長時間唔去公開我嘅感情狀況！（阿媽想你成家立業多過成名？）唔知，我哋冇乜交流，我得閒有Send啲靚女相畀佢，有新女亦有舊嘅，等佢以為翻撻！（有麥明詩？）我冇講任何人，總之佢流晒口水。」問到是否轉玩地下情？林作又有一番理論：「唔公開爽好多！我要保持浪子形象，我鍾意傳統大明星嘅做法，要玩神秘，太親民唔好。」